Mooi Leefstyl wen ‘n Tinteltong Toekenning

Ons is baie opgewonde om te deel dat Mooi Leefstyl ‘n Tinteltong Toekenning vir die Afrikaans-Vriendelikste e-kopie gewen het.

In samehang met die viering van Internasionale Moedertaal-dag, wat jaarliks op 21 Februarie gevier word, beloon Afrikaans-Vriendelik innoverende Afrikaanse ondernemings.  Die Tinteltong Toekennings word daarom toegeken aan ondernemings of mense wat dienste in Afrikaans lewer of Afrikaans bevorder deur kreatief met dié taal om te gaan.  In 2016 was daar slegs vier kategorieë waarin ondernemings benoem kon word en in 2018 15 kategorieë.  Die wenners se kreatiwiteit is daarom vanjaar behoorlik tydens ’n toekennings geleentheid op 21 Februarie by die spoggerige Menlyn Boutique Hotel gevier.

AfriForum het in 2016 vasgestel dat 30% van die Suid-Afrikaanse mark Afrikaans is en wil voortgaan om ondernemings te beloon wat dienste in Afrikaans aanbied. AfriForum hoop dat dié wenners ander ondernemings en mense sal aanspoor en inspireer om in die taal van hul hart sake te doen.

 

Die wenners in die onderskeie kategorieë vir 2018 is soos volg:

  •    Tinteltong Toekenning vir die oorspronklike naam: Streepsak
  •    Tinteltong Toekenning vir die Afrikaans-Vriendelikste slagspreuk: Al 3 Boerdery
  •    Tinteltong Toekenning vir die beste handelsmerkontwerp: Magies vol liefde
  •    Tinteltong Toekenning vir smul-lekker Afrikaanse kos: De Vette Mossel
  •    Tinteltong Toekenning vir die soetste nagrus: Aandbloem
  •    Tinteltong Toekenning vir foto’s wat Afrikaans praat: Conrad Theron
  •    Tinteltong Toekenning vir die Afrikaans-Vriendelikste diens: Funky Ouma
  •    Tinteltong Toekenning vir die Afrikaans-Vriendelikste e-kopie: Mooi Leefstyl
  •    Tinteltong Toekenning vir trippeltoontjies (diens of produk wat op kinders gemik is): Magies vol Liefde
  •    Tinteltong Toekenning vir die Afrikaans-Vriendelikste produk: Mooi Goete
  •     Tinteltong Toekenning vir die Afrikaans-Vriendelikste produk – innoverende produk: Boeremeisie Beeldskoon
  •    Tinteltong Toekenning vir die Afrikaans-Vriendelikste produk – eie aan Afrikaans: Is Moz Bos
  •    Tinteltong Toekenning vir die Afrikaans-Vriendelikste sosiale media: De Afrikander
  •    Tinteltong Toekenning vir ’n uitgewer wat Afrikaans bevorder: LAPA uitgewers
  •    Tinteltong Toekenning vir snaaksighede in Afrikaans: Idees-vol-Vrees

Dit was ‘n aand vol pret gewees met Joshua na die Reën wat opgetree het en Prof. Gerhard van Huyssteen van Op die Spel op Kyknet wat gasspreker was.  Die spyseniering was deur Black Bamboo gedoen en daar was ‘n heerlike voorgereg, hoofgereg en nagereg bedien.  Mooi Leefstyl wil vir almal wat betrokke was, insluitende Sanderien van der Walt dankie sê vir al hulle harde werk om hierdie aand so ‘n sukses te maak.

Artikel Krediet: